La incompetencia de Pilar Rodríguez somerxe nel caos a la Conseyería de Bientar Social

"

Izquierda Xunida d'Asturies considera que la desautorización de la Conseyera de Bientar Social al Xerente del ERA constituyen una preba más del caos nel que ta la Conseyería. Ye evidente que la falta de lliderazgu políticu de Pilar Rodríguez y la so incompetencia incrementó'l problema. La falta de coordinación ente los altos cargos de la Conseyería ye evidente y provocó que la propia Conseyera tenga que desautorizar al Xerente del ERA.

Hai situaciones muncho más graves y que resulten enormemente perxudiciales pa los asturianos y asturianes: el colapsu nel que ta la Conseyería alquier dimensiones monumentales. La organización y la estructura orgánica ye un caos, les competencies ente diferentes Direiciones Xenerales solápense, duplíquense procedimientos…

Izquierda Xunida d'Asturies vino manifestando, nos últimos meses, la so preocupación pola situación de la Conseyería. En reiteraes ocasiones denunciamos el caos y el colapsu d'árees tan importantes na Conseyería como los servicios encargaos del Salariu Social o la Dependencia. Hai una carencia absoluta de planificación que se traduz, ente otres coses, en continua improvisación, falta de medios y retrasos inxustificaos na resolución de prestaciones.

Izquierda Xunida d'Asturies considera que los fechos ponen, una vegada más, en dulda la capacidá de Pilar Rodríguez pa dirixir la Conseyería de Bientar Social. Areces ye consciente de la grave situación d'esta Conseyería y optó, hasta'l momentu, por mirar a otru l´çau. Y eso tien consecuencies dramátiques pa munchos asturianos que ven, por exemplu, cómo siguen ensín resolvese les sos peticiones de Salariu Social cuando trescurrieron seis meses dende que lu pidieron (el plazu de resolución ye de tres meses) por nun mencionar el colapsu na aplicación de la llei de la dependencia o les 1800 persones que pidieron una plaza de residencia n'Asturies y tovía nun recibieron respuesta."

Vale.

en: izquierdaxunida.com

+ ver más >>